قصيده الوايت

ياراعــي الوايت اللــي بـايـحٍ لــونــه

اللي من الشمس راحت معظم ألوانه

مكـروف لين انتهـت جلـدة دركسـونه

وأربـع سكـاريب تلـزم روس بيبـانـه

مـن مصنـعـه ماتغـيّر زيـت سيفـونـه

صوت السبايك علـى الجنبين حنانـه

ولابه أنبـير يمـشـي وسـط طبـلـونــه

سيـورهـن مـن قـديم الوقـت خربانـه

والقـير لاعـشّـقــوه أثنـين يـنـسـونــه

مايـعتـقهـ لين يظـهـر زيـت شكمـانـه

والمرتبـه فـي بطـون الضـان مدفونـه

وجنـوبهـا من ثـقيـل الحمـل هريـانـه

ورفـارفـه جنب طـنب البـيت مركونـه

طـاحـت مساميرها والحـال تعبـانـه

ماترحم اللي معك يمشي على هونه

مطفّـي الــنـور والـرجـلـين حفيـانــه

يسـوق عمـره علــى دربٍ تســوقونـه

قلبــه تحطــم وهــذا صـوت رمـانــه

يابــو خــدودٍ تـشـابــه خــدة فـلـونــه

ماهيــب مـن رشـة المكيــاج ملـيـانــه

وبريقـــعٍ صغّـــروه اللـــي يسـوونــه

مــرٍ يغطــــي و مــرٍ ذيــك لحيــانـــه

والجسـم شـيٍ يـدوّخ مـن يشوفـونـه

بنــت مـن مقابــل الخلفــات فسقانـه

ماهيـب في دجـة الموضـات مفتـونـه

اللـي مـع الســوق رجليّــه و هجـانـه

الوجـه مكشــوف والخـدين مدهـونـه

ولاتخلّــي ولارجّـــال فــي شــانـــه

يابنـت شـرع السواقـه ويش قانـونـه

يـوم القوانـين عنــدك مالهــا خــانــه

قالـت : مـع البــر مملوحـه ومزيـونـه

جــوٍ يـغـطّـي علــى الزلات ميـدانــه

وسـواقـةٍ فالمـدينـه غيــر مضـمـونــه

لاشافــوا البنـت كـلن طلّـع لسـانــه

في زحمـة النـاس كـلٍ يفـرك عيـونـه

تقـــول جمهــور فـنٍ شــاف فنــانــه

سواقتـي مـن ورا الأبــرق ومن دونه

من خلف نوقات أبوي وخلف غنمانـه

الشـايب وحْيـد والرجلـين مرهـونــه

ولابـه أخــوٍ يقــوم بـِـلازم أخــوانــه

مانيــب اعَـرف البحـر يللي تعرفونـه

ولا تمشيــت تالـي الليــل سهــرانــه

ولابـي الناعــم اللــي يسحب ردونـه

اللـي علـى طــول يومـه ياكـل لبـانــه

شفـي من البــدو رجّــالٍ بكـرتـونــه

معَــرَّبٍ رأس أبـــوه وراس جـدانـــه

يصلّــي الفـرض لاقامــوا يصلّـونــه

ويصوم شهر رمضان ويحفظ أركانه

ماهوب لاجاالضحى دنّق على التونه

ولاقالـــوا الله أكبــر شــب دخـانـــه

قلــت أشهــد أنـك سنافيـه ودندونــه

والعقــل نعمــه من المعبـود سبحـانه

.

سياسه الوزغه

من القدرات العجيبه التي وهبها الله للوزغه للدفاع عن نفسها القدره ع فصل الذنب فالوزغه حين تصاب من ملاحقها بضربه غير قاتله تفصل ذنبها عن جسدها لتشغل ملاحقها به وتتمكن هي من الفرار واذا اصيبت بضربه قاتله فان الذنب ينفصل بشكل تلقائي .. 

وسياسه فصل الذنب هذه هي سياسه الفاسدين فما من فاسد ع وجه الارض الا وله ذنب ( طال ام قصر ) وحين يحس الفاسد بالخطر الداهم يكون من اهم اسلحته في الدفاع عن نفسه فصل الذنب ليتركه وحيدا امام الامر الواقع ويحاول النجاه بنفسه فان وقع الفاسد فان الذنب عنه انفصل بشكل تلقائي ..

حين تضرب وزغه ويوفقك الله لاصابتها فان ذنبها سيفصل 

ويتحرك ويضطرب .. اياك ان تنشغل بالذنب عن الوزغه اقتل 

الوزغه ولا يستفزك تحرك الذنب واضطرابه واهتزازه فعما قريب سيسكن ويموت .

قصة نورة و عايش

​قصة نورة و عايش

هذي قصة قديمه صارت من زماااان

بين ولد اسمه عايش وبنت اسمها نورة

كانو يحبون بعض واتفقوا انهم يتزوجون

راح عايش لأبو نورة ۆ طلبها منه لكنه رفض بحجة ان عايش فقير ومازال صغير

قام عايش قرر السفر والضرب في ارض الله الواسعه طلبا للرزق و التجارة 

وقال لحبيته نورة

 أنا بسافر اتاجر ۆ ارجع غني حتى اتزوجك

 لكن اوعديني انك ما تتزوجي غيري  

قالت نورة : اوعدك 

راح عايش يتاجر ۆ رجع بعد سنة سأل عنها

 قالو له تزوجت انجن وجلس يصارخ : ​​​ليــش هي وعدتني ماتتزوج .. 

قالو له : زوجوها واحد غصب عنها

 ۆ هو من خارج المدينه ولا يعرفون شسمها ولا مكانها

 

راح عايش مدينة ۆرى مدينة ۆ كان يروح لأماكن تجمع الرجال ۆ يقولهم : عندي لغز واللي يجاوب عليه حلال عليه كل مالي وحلالي وبعطيكم فرصة الـيوم ۆ بكرة ۆ لكم الحرية انكم تسألون اهلكم 

ۆ اللغز هو

 ( ابي انشدك عن ضيء القمر ۆ شلون نورة ) 

ۆ كل مرة يجاوبونه ابيض رمادي ۆ اللي ما عنده إجابه 

ۆ في أحدى المدن قالهم اللغز ۆ رجع واحد من الموجودين لزوجته ۆ خبرها انه في واحد مجنون يقول بيعطي كل ماله ۆ حلاله للي يجاوب على لغز هي جاها فضول تعرف ايش اللغز 

قال : 

 ( ابي انشدك عن ضيء القمر ۆ شلون -نورة-) 

ابتسمت ۆ قالت : قله ( مثل السمك من دون البحر وشلون -عايش- ) 

قالها : متأكدة ، قالت : متأكدة 

اليـوم الثاني قال الرجال لعايش :انت قلت ابي انشدك عن ضيء القمر ۆ شلون -نورة- ۆ أنا اقول مثل السمك من دون البحر وشلون -عايش-

ابتسم عايش ۆ قال: مالي ۆ حلالي لك بس سلملي على نورة  

😢😢😢:( :'( 

خسر حلاله عشان يعرف وشلون نوره ❤

فصل الرحيل

 ورقة من أوراق الشجر تسقط لتعلن فصل الرحيل عند لحظات الغروب ومع اعلان الرحيل  أبحرت في شاطئ الذكريات

 ووجدت نفسي على أمواج الآهات استرقت نظرة الى الغروب  ودموعي تغرق عيني تمزق قلبي .. نظرت اليه وهو يصبغ الكون بحرفه الداكن  

رأيته بكل برودته قسوته  غروره 

تملكني الخوف نعم صرت أموت خوفاً منه أيها الغروب  لقد جرحتني جرح عميق كسرت نفسي .. حطمت فؤادي .. تمتلكني حرقة لا تمحيها الأيام .. نظرت الى الغروب نظرة أخيرة .. لعله يتراجع عن رحيله .. نظرت اليه بعين متوسلة استعطفه أن يرحم قلبي الملهوف ..

 أيها الغروب لتعلم أن حياتي بعدك أصبحت وحـــــــــــدة.....دموع , ألم , أحزان , جراح , يأس  

هذه عناوين ملامحي ولم يبق لي سوى الأنين وبحر من الذكريات .. والآن انتظر رحلة هلاكي ..

http://t.co/hwZtZioH

خلوني اكرم فـي حياتـي وانـا حـي ( قصيدة وقصة )

خلوني اكرم فـي حياتـي وانـا حـي

( قصيدة وقصة )

أسعد الله أوقاتكم بكل خير 

هذه القصة حدثت لشخص يقال له (مبارك البخيّت) وأصله عبد ... وكلنا عبيد لله .. من عبيد قبيلة سبيع.

يقول البخيت انه في سنة 1395هـ كان عسكري في الحرس الوطني في منطقة منطقة تسمى (أم السلم) وكان يسكن في منطقة بين مكة وجدة تسمى (بحره) وبحره هذي كان فيها معكسرات للحرس الوطني .. يسمونها (الأفواج) وكان العاملين في الافواج هذي يجون كل شهر يستلمون رواتبهم ..

وأيضا اصحاب الناقلات اللي يكدون .. ويروحون مشاوير للحجاز .. من مناطق رنيه والخرمه وديار سبيع يمرون على البخيت في بيته ويجلسون عنده بحكم إن مافيه أحد متأهل في المنطقة الا هو، وهو كان رجال كريم ولا يجيه أحد الا يغديه أو يعشيه. 

وفي يوم من الأيام كان عنده عشاء لربع جايينه .. وجاه ضيوف عقب جهز عشاء ربعه .. وقال لهم الله يحييكم على عشاء ربعكم وحقكم باقي .. ويوم تعشوا ويحلف عليهم ان العشاء والا الغداء بكره لهم .. ولكن الضيوف تعذروا منه وقالوا عشانا حنا وربعنا يكفينا.

المهم انه عقب مامشوا الضيوف قاموا عليه ربعه وقالو يالبخيت: انت عبدٍ خبل .. انت مانت إبن مهيد مصوت بالعشاء ولا انت حاتم الطائي جالسن على درب أهل السيارات .. وعلى درب أهل الافواج وكل ماجاك واحدن ذبحت له ذبيحه.

لانهم كانوا خايفين عليه انه يحتاج لانه كان عنده بيت وحريمه ثنتين .. وقالوا بكره يقاعدونك من الحرس وتجلس لا وظيفه ولا جمعت لك راس مال. 

البخيت كان عنده مشب في الحوش يسوي فيه القهوه .. ويوم سمع هالكلام وهو يسوي القهوه .. دق البهار اللي هو الهيل وبدال ما يحطه في الدله .. حطه في براد الشاهي ..... 

قالو له ربعه انت خربت قهوتنا وش بلاك .. قال انتم اللي خربتوها .. لكن شوفو لكم واحدن صاحي يسوي لكم القهوه انا هوجست 

وقال البخيت هذه القصيدة

سجـه مـع الهاجـوس طبيعـةٍ لـي

طبيعـةٍ بـامـوت مـاجـزت عنـهـا

اشكي على الخلاق وارفـع لـه يـدَي

لاكـثـرت الافـكـار يـفـك منـهـا

اما الكرم قـد فـاز بـه حاتـم الطَـي

حتى الفرس من شان ضيفـه طعنهـا

خلوني اكرم فـي حياتـي وانـا حـي

لامـت مـادري جثتـي مـن دفنـهـا

خلقـت فالدنيا وانـا مامعـي شــي

وبـروح منهـا مامعـي شـي منهـا

لابـد مانرحـل عـن المـزح والغـي

ونسكـن بيـوتٍ قبلنـا مـن سكنهـا

مسكين ياللي تحسـب الواجـد شـوي

العافيـه لـو تنشـري وش ثمنـهـا

يا جاهـل الدنيـا تراهـا كمـا الفـي

يا مخبـل اللـي فـي حياتـه ضمنهـا

ان ناحرت لك قامـت تـروح وتجـي

مثـل الذلـول اللـي طويـلٍ رسنهـا

وان دبـرت خلتـك طايـح ومـرمـي

وكـم واحـدٍ لـه حاجـةٍ ماضمنـهـا

يا الله عسى الحسنات تقضي على السي

لا قربـوا للنفـس ذرعــة كفنـهـا

-------------------

وللتوضيح .. البخيت لا يزال حي يرزق الله يعطيه طولة العمر .. وهو بلسانه اللي يقول عن نفسه إنه عبد ... 

مــــــنــــــــــــــــــــقــــــــــــــول

نار الحطب صفرا وزفراتها زرق

نار الحطب صفرا وزفراتها زرق
يـذكر بها الاخـضـر ليـالي جـفافـه

لـ شمـوسها شبيـت في سدرة الشرق
واطعمتـها طلـح الشجـن والحسـافة

لعـلي اكتـب من لحـون الدفـا طرق
والا جـمع تـمر لمـواسم خـرافـه

والشاعر اللي يجهل النوح والورْق
يـغيـب عن بـال التبـاريح / قـافـه

والمزنه اللي شب في قطنها البرق
سالـت ونـسّـتها الرعـود ارتجـافه

لا..تـامـن العـقـرب ولاتـامـن الـــداب

​​​​​​أن زان لـك وقتـك تخـيـر بالأصـحـاب
وان شـــان وقـتــك كـلـهـم مايـبـونـك

أن جيتـهـم قـامــو يـحــدّون الأنـيــاب
وان رحــت عنـهـم بالقـفـا يشذبـونـك

لا..دبّــرت دنـيـاك والـحـظّ مـا طــاب
الـنـاس لا..مــن طـحـت مايرحمـونـك

أهل السيوف اللـي يقصّـون الأرقـاب
أمّــــا كـفـاهــم واقــعــك يـظـلمونـك

لا..تـامـن العـقـرب ولاتـامـن الـــداب
الـسـمّ واحــد لا..رقـــا فـــي مـتونـك

يـاجـاهـل الـدنـيـا ودورات الأســبــاب
أعرف ترى من خـان غيـرك يـخــونـك

لو كان لك ربـع(ن) مواليـن واحبـاب
لابــدّهـم عـقــب الــغــلا يـنـكـرونــك

وقـت(ن) يشيّـب بالمخاليـق مـاشـاب
أســأل رجــال(ن) جـرّبــو يخـبـرونـك

واحــذر تـخـاوي كــل هـافـي وكــذّاب
أهــل الـــردى بطبـوعـهـم يطبـعـونـك

أرفـع مقامـك عـن ردييـن الأ نـسـاب
لـو شفتهـم فــي حضـرتـك يمدحـونـك

فارق ثراهم وارق فـي راس مرقـاب
أبعـد عـن الـلـي لونـهـم غـيـر لـونـك

خــلاّن مــال ومالـهـم ربــع واقــراب
لاقــــلّ مــالــك عــدّهــم يـكـرهونـك

أعتاض فيهـم مـن طويليـن الأشنـاب
الـلـي الـــى مـــال الـدهــر ينفـعونـك

لاصـكــتــك دنــيـــاك وافــتــرّ دولاب
بــانــت مـواقـفـهـم ولا يـرخـصـونـك

هــذا رفيـقـك مــن قريبـيـن واجنـاب
ذخـرك وهـم فــي واجـبـك يذخرونـك

عنـدك قريبيـن (ن) ولـو قلـت غـيّاب
علـى صـدى صـوت النـدى ياصلونـك

ياللـي سمـعـت العـلم لاتفـتـح الـبـاب
لاتنحشـر فـي شــي ماهـوب شـونـك

ربعك ألى من شفتهم صـارو احـزاب
وتـشـاورو بـالــراي والـعـلـم دونـــك

لاتـبـدي بـرايـك عليـهـم ولــو صـــاب
لو صحت باعلى الصوت مايسمعونك

ومـن لاحسب لك لاتسوي له حـساب
لو كان يسوى وحدة(ن) مـن عيونـك

----- ----- ---

صارت ضعوف البشـر ترفـع مناخرها

لا من تعزوى ذيـاب الخيـل في خيله
جاتـه تدكّ الـصفـا طـقّـة حوافـرها

اللي يسـلّيه ضحك الوجه عزّي له
ما كل ضـحكه سـليماتٍ مصادرها

ما دام قلـبـك ردي والضحك تضلـيله
شخصيـتك قُدم عيني ما تصوّرها

عزايـمٍ سِخّرت للغدر / والغـيله
تغرس على غارب المقفي خناجرها

وان واجهـت ما لـها قوه ولا حـيله
هلايمٍ حُكـم راعي الحُـكـم ساترهـا

يا ليل ، يا وقت ، يا دنيا من انتي له
صارت ضعوف البشـر ترفـع مناخرها

الوقت مـيّال لكن ويش اسوي له
الوقـت له حكمـةٍ بكره يـفـسرها

لكن والحمد لـ الله بانت الميله
واهل السراير طلع فحوى سرايرها