خمسة عشر فنجال لحنيف صبيت ..

قصه وقصيدة

دارت القصه في مدينة حرمه بسدير.. كان حنيف بن سعيدان مقيما في حرمه و كان كثير الاسفار والترحال

بأسباب الوضع المعيشي الصعب في ذلك الوقت...

وفي يوم من الايام ذهب حنيف الى زيارة صديقه بن عبدالكريم فوجد منه الترحيب وقدم له القهوه ,وجلسا 

يتجاذبان اطراف الحديث

حتى دخل عليهما بعض الضيوف وزاد الطلب على القهوه وحنيف..مازال يرتشف الفنجال تلو الاخر...

فأراد ناصر بن عبدالكريم ان يمازح حنيف .. قائلاً : 

خمسة عشر فنجال لحنيف صبيت

لو أن بطنـه قــربــــــة قــــد ملاهــــا 

فرد حنيف على الفور :

لا تحسب إني من دلالك تقهويت

مــاتقنع الشـراب من كثر مـاهــــا

قال ابن عبدالكريم :

يا حنيف أنا في حمستي ماتدانيت

الـــدلـــه الصغـــراء نـكثر مــنـــاهــــا

فرد حنيف :

وراك ماسويتها يـــوم ســويت

مثل العميم اللي يعدل سواها

أبن عقيــل اللـــي يهلــي لــيـــاجيت

يضحك حجاجه وأن غلى مشتراها

فقال ابن عبدالكريم :

سبيتها يوم انت للضلع لزيت

وضيافتك ياحنيف هذا جزاها

ودلال ربعك يوم بالزين ماريت

هم ربعنا قبلك طـوال خطاهـــا

حنيف:

مانيتي ذمة هل الجود والصيت

الملـــعبـــه بين علينــــا ســـناهـــا

ياموصي الحرمه على صكة البيت

تقــول مـــاهـــو فيه وأنتـــا وراهــــا

فقال ابن عبدالكريم :

ياحنيف وبحرمتك وش سويت

يوم المره اتعسرت في ضناهـــا 

علم الردا يظهر ولو به تتقيت

علم وكاد ويشهدون اقصراها

فضج المجلس بالضحك على هذه المساجله الطريفه والجميله في نفس الوقت 

وبقيا بن عبدالكريم وحنيف صديقين حميمين .. حتى توافيا رحمهما الله.

عزيزي القارئ :-

اذا نالت استحسانك ضع اعجابك

ابنشدك عن نور القمر وشلون نوره

قصة رائعه وقديمه

قصه حقيقه حصلت في قريه قريبة من مدينة الرياض في السعوديه قبل ان تسمى الرياض. كان هناك شاب اسمه عايش يعيش في هذه القريه وكان يحب بنت اسمها نوره

 , وفي يوم من الايام ذهب عايش لكي يخطب نوره ولكن ابو نوره رفض لأن عايش كان على قد حاله وما عنده حلال ولا عنده فلوس كثيره, فشاف عايش

 نوره بعد ما طلع من عند ابوها وقالها :نوره انا راح يصير عندي فلوس وراح اشتغل وراح ارجع اخطبك واتزوجك, ونوره كانت تحب عايش فوافقت انها تنتظره.سافر عايش الى منطقه مرموقه في السعوديه وصار يشتغل في التجاره ومرت الايام وصار عنده فلوس ورجع لقريته عشان يطلب يد نوره من جديد ويتزوجها ولكن لما رجع القريه تفاجى ان نوره 

تزوجت لان ابوها اصر عليها انها تتزوج وكان عندهم البنيه لازم تتزوج اذا جاها شاب قادر على الزواج. وتفاجى ايضا انها مو بس تزوجت بل هاجرت الى مكان ثاني مع زوجها ولا احد من القريه يعرف المكان.

 فقام صاحبنا عايش وقال بيت شعر (ابنشدك عن نور القمر وشلون نوره) وقرر يسافر ويدور على نوره. ومر على القريه الاولى وراح وسلم على امير القريه وقاله انا عندي لغز واللي يجاوب عليه بعطيه كل حلالي

فقاله الامير وشو اللغز قال(ابنشدك عن نور القمر وشلون نوره؟) احد الجالسين قال له ابيض واحد ثاني قاله اصفر وكل الاجوبه غلط محد عرف حل اللغز. فسافر الى قريه ثانيه وطرح عليهم نفس اللغز ومحد عرف الجواب راح للقريه الثالثه وكان تعبان من السفر فقالهم انا عندي لغز واللي يعرف يحله بعطيه كل حلالي قالهم (ابنشدك عن نور القمر وشلون نوره؟) محد عرف الجواب فقالهم انا اليوم بنام عندكم لاني تعبان واللي يعرف الجواب يقوله لي الصبح

ومن بين الحضور كان زوج نوره موجود فرجع للبيت وقالها :نوره !! قالت له :سم ؟ قال: جانا اليوم واحد خبل يقول عندي لغز واللي يحله بعطيه مالي وحلالي كله, فقالت له: قولي وشو اللغز يمكن احله

قالها(ابنشدك عن نور القمر وشلون نوره؟) فبتسمت نوره وقالت له :عرفت الجواب قال لها :صدق؟ قالت له :قوله(مثل السمك في البحر وشلون عايش؟) فقام الصبح رجل نوره وراح وقاله: انا عرفت الجواب فقاله :وشو الجواب قاله(مثل السمك في البحر وشلون عايش؟) فبتسم عايش وقاله هذا مالي وحلالي وسلملي على نوره

 

 

 

  @abuaboody تابعني تويتر 

abuaboodyy@facebook الفيس بوك

abuaboodyy@instgram انستقرام